Дом дружбы народов им. А.Е. Кулаковского с 7 по 20 декабря 2022г. провел открытый поэтический конкурс под якутским названием «Саҥа Дьылга алгыстаах эҕэрдэлэр», что в переводе на русский язык означает «Новогодние поздравления с благословениями алгыс».

Современный алгыс востребован в повседневной практике не только в этнической культуре якутского сообщества, но стал он незаменимой частью общественно значимых событий в республике и за её пределами. 

По условиям конкурса участники должны были отправить авторские произведения в форме «белого» или традиционного стихотворения на якутском языке, используя все самые красноречивые выражения и художественно-выразительные обороты из фольклора народа саха. Всего участников было — 10 из разных уголков Республики, авторы отправили прекрасные литературные творения с благословениями «алгыс».

В конкурсе работало компетентное жюри, в состав которого вошли члены РОО «Союз поэтов и прозаиков «Айар Кут»: Сергей Афанасьевич Семенов -Сэгэй,  председатель жюри,  Анна Петровна Григорьева и Зоя Никандровна Данилова — Кэкэрдэ.

По итогам оценки членов жюри, стали известны имена победителей:

I место  – Руфова Наталья Ивановна, с. Хатассы.

Аптаах алыптаах, сандаархай санаалаах,

Кэтэһэн туран кэрэхсиир, күүтэн-күүтэн күндүргэтэр,

Саҥа дьылы көрсүһэ алгыс тылын анаатаҕым буоллун

Орто дойду олоҕо огдолуйбатын туһугар

Бэрт былдьаһааччы бэрдимсийбэтин иннигэр,

Бастыҥмын диэччи баһыйбатын — диэн,

Саха санаалаах сарбыллыбат санаатынан анааран,

Туруулаһыы туругар киирэн, тулуйан, дьулуһан,

Олохтоохтук оҥостон оҥкула хамсаабатын,

Бэлэмнэнэн, тэринэн бэриигэ бэрдэрбэтин,

Муҥкук санаа муннарар муҥугар муннукка мумматын,

Инники диэки барар аартыга арыллан,

 Иҥнибэккэ, толлубакка суолун тобуллун,

Хайа да түгэҥҥэ түөрэҕэ түөрэҥнээбэтин,

Кэтэмэҕэйдээн, саарбахтаан, кэтэҕин тарбамматын.

Былааннаан-барыллаан, саас сааһынан сааһылаан,

Ыксаллаах да кэмнэргэ, ыгылыйар да күннэргэ,

Ырааҕы ыралыырын ыһыктыбатын, тулуйан туран туруулаһан,

Экчи диэн туран эккирэтиһэн, сырдыгы эрэ ыралаатахха,

 Сандаарар саҕахтар арыллыахтара, сардаҥалар сыдьаайыахтара.

Тургутуу кэмигэр тулуйбахтарга, сэргиир сэгэрдэрдэрдээх,

Кэрэхсиир кэккэлэһэ сылдьар дьонноох, тоҥолохтон тутуһар доҕордоох,

 Алтыһар аламаҕай аймахтардаах, ылсар-бэрсэр ылбаҕай ыаллардаах

Өй-санаа эбинэр өркөн өйдөөх үөлээннээхтэрдээх буолуоххайыҥ.

Балааҕыйа баайа Барахсаана

II место – Харлампьев Константин Романович, Вилюйск.

Айыылартан айдарыллан

Айыыһыттан арчылатан

Иэйиэхситтэн этиттэрэн

Төрөөн кэлбиккин билинэн.

Сандаара кыыһар саҕахтан

Сыдьаайа кэҥиир сарыалтан

Күннээҕи күүһү мунньунан

Көмүс олоххор анатан.

Саргы дьаалыҥ салалыннын,

Өрөгөй күнүҥ күөннээтин,

Кэрэ,үтүө арыаллаатын

Дьолуҥ тосхойо үрдээтин.

Саха буолан, тула сандаар,

Баай мааны тылгын умнумаар,

Аар саарга аатыра ааттан

Улуу Урааҥхай Саханан.

Этэр тылым элэккэйин

Эриэкэс дэлэй бэйэтин,

Саҥарар саҥам сылааһын

Бу саҥа дьылга алҕааммын.

Баар дьоммор дьолу анааммын,

Бу сэлэспэннэн ыытаммын,

Эҕэрдэбин мин тиэрдэммин

Алгыстаан дьэ бу этэбин.

Сахам дьоно сайда туруҥ,

Санаабыккыт хото туоллун,

Сырдык күммүт туругурдун

Ситиһии сиэтиилээх буоллун.

Эн, мин диэн туорутуһумуох,

Атааннаан туора турумуох,

Куһаҕан дьаҥнары тумнуох

Үчүгэйгэ дьэ дьулуһуох.

Сүрэхтэн тахсар санаалар

Ситэн, тиһиллэн тиийдиннэр

Сахалыы тыыны сахтыннар,

Тылбытын үйэтиттиннэр.

Эйэлээх олох эйээрдин,

Сэрии,өлүү симэлийдин,

Саҥа сылбыт саргыланнын

Сымнаҕастык сайа тыыннын.

III место – Герасимова Мария Андреевна – Сэҥээрэ, Чурапчинский улус.

Сэриигэ барбыттарга …

Оо, Үрүҥ  Аар Тойон !

Көхсүттэн көнтөстөөх

Күн улууһун оҕолорун

Көмүскээ, күөмчүлээ!

Төрөөбүт түөлбэҕэ

Төлөннөөх тапталларын иһин

Тыыннаах хааллар!

Ардах буулдьа арытыаллаатын!

Үнтү тэбэр тэрил

Тэйиччинэн  түстүн!

Өһөхтөөх санаа

Өтөрү көрбөтүн!

Аҕыйах ахсааннаах

Айыы оҕолорун

Тыыннарын быстарыма!

Күүстээх-уохтаах саастарыгар

Үрүҥ күнтэн сүтэримэ!

Ууһуох-тэнийиэх баҕабытын

Сиҥнэри сиппийимэ!

Саргылаах санаабытын

Самнары баттаама!

Ол туһугар аал уоппутун оттон

Үүнэр сылбыт

Үтүөнү эрэ түстээтин!- диэн

Айахтаах амсайбатах

Арыылаах алаадьынан

Сылаас саламаатынан

Айах тутабыт! Дом!Дом!Дом!

Саҥа сылга баҕам

Үүммүт сыл бар дьоммор

Үөрүүтэ үгүс буоллун!

Хомуруйар хом санаа

Олоҕу аймаабатын!

Кэрэ ыралаах киһи

Кэтит кэскиллээх буолар,

Уйан дууһалаах киһи

Ыраас тапталлаах буолар.

Килбик майгылаах киһи

Холку көҕүстээх буолар.

Анаарар дьоҕурдаах киһи

Киэҥ киэлилээх буолар.

Хоһуун санаалаах киһи

Хорсун сүрэхтээх буолар.

Үлэҕэ дьулуурдаах киһи

Үгүс ситиһиилээх буолар.

Кыраҕа үөрэр киһи

Күннэтэ дьоллоох буолар.

Эйэҕэс сыһыаннаах киһи

Доҕоро үгүс буолар.

Саха бэргэн этиитин

Сүрэхтэргэ иҥэрэн   

Олох мындыр үөрэҕин

Тутуһуоҕуҥ күн ахсын!

Саҥа сылга уйгубут

Уолбат чүөмпэ буолуохтун!

Доҕор-атас үксүөхтүн

Аймах-хаан ууһуохтун!

Баҕарабын Эһиэхэ

Күннэтэ дьол тосхойуон!

Олохпут тубустар тупсан

Кэскилбит кэҥээн иһиэн!

Поздравляем победителей! Все участники конкурса получат именные сертификаты. Благодарим за участие и поздравляем с Наступающим Новым Годом! Желаем, чтобы все невзгоды и заботы остались в уходящем году. Пусть Новый год войдет в нашу жизнь бурей положительных эмоций, радости и исполнившихся желаний, всем здоровья, любви, достатка и невероятных впечатлений от каждого грядущего дня!